Елбасы: «Әскери форма киген адам нағыз патриот болып саналады»
Елбасы қазақстандықтарды Отан қорғаушы күнімен құттықтады
ҚР Тұңғыш президенті - Елбасы Нұрсұлтан Назарбаев қазақстандықтарды Отан қорғаушы күнімен құттықтады.
«Баршаңызды Отан қорғаушы күнімен құттықтаймын! Тәуелсіздік жылдарында еліміздің қарулы күштері мемлекетіміздің тұрақтылығының, аумақтық тұтастығы мен әскери қауіпсіздігінің кепілі болды. Біз әрдайым армияны дамытуға, оның қорғаныс қабілетін арттыруға, әскерилерді жан-жақты қолдауға баса көңіл бөлдік», - делінген құттықтау мәтінінде.
Елбасы әскери форма киген адам нағыз патриот болып саналатынын айтты.
«Қазақстан әскерінің сапында болу рухы мықты адамдардың мәртебелі әрі жауапты міндетіне айналды. Бүгінде Отан алдындағы борышты өтеу мен адал қызмет ету – абыройлы іс. Әскери форма киген адам жауапкершілігі жоғары, нағыз патриот болып саналады. ҚР Қарулы күштерін құру туралы жарлыққа қол қойған күннен бастап тиімді қауіпсіздік жүйесін құрғанға дейінгі аралықта еліміз ауқымды жолдан өтті», - деді Елбасы.
