Қазақстанда ресейлік әскери зымыран сынақтан өтті

Ресейлік әскерилер қазақ жерінде әуе шабуылына қарсы зымыранды сынақтан өткізді. Бұл туралы көрші елдің Қорғаныс министрлігінің ресми сайтында жарияланды.  

Әскери сынақ Қарағанды облысының Сары-Шаған полигонында жүргізілген. Осылайша ресейлік әуе-ғарыш күшінің мамандары  әуедегі қорғаныс жүйесінің жаңа зымыраны сынақтан сәтті өткенін хабарлады.

«Әуе-ғарыш күштерінің зымыранға қарсы қорғаныс бөлімінің командирі генерал-майор Сергей Грабчук іс-шара барысында жаңа зымыранның бірқатар сынақтардан сәтті өтіп, өзіне тән сипаттамаларды сенімді түрде растап, ал әскери есептеулер дәлдікпен орындалғанын айтты», - деп жазылған хабарламада. 

Зымыранға қарсы қорғаныс жүйесі әуе-ғарыштық күштерден тұрады және әуе-ғарыштық шабуыл құралдарының соққыларынан қорғауға арналған.

Еске салайық, Сары-Шаған сынақ полигоны 1995 жылдан бері Ресей Федерациясына пайдалануға жалға берілген.