Тоқаев «Qazaq Republic» жобасының авторын қабылдады

Сәкен Жолдас - «Он и Она» фильмінің режиссері

Фото: akorda.kz

Мемлекет басшысы Қасым-Жомарт Тоқаев «Qazaq Republic» жобасының авторы Сәкен Жолдасты қабылдады. Президентке «Qazaq Republic» брендінің дамуы, жаңа әзірлемелер мен жобалардың іске асырылуы жайында баяндалды.

Сәкен Жолдас Қасым-Жомарт Тоқаевқа отандық кәсіпкерлердің пандемия жағдайындағы жұмысы, бизнестің түйткілді мәселелерінің шешімі және мемлекеттік құрылымдар тарапынан көрсетіліп жатқан қолдау туралы айтты.

Сондай-ақ әңгімелесу барысында қазақстандық заманауи бірегейлікті қалыптастыру жөнінде ұсыныстар айтылды.

Президент еліміздегі креативті индустрияны дамытуға мемлекет ерекше көңіл бөліп отырғанын атап өтті.

Мақалада

#Қасым-Жомарт Тоқаев #Сәкен Жолдас #Qazaq Republic

Алдыңғы жаңалық

Қатаң сөгіс алған Жамбыл облысы әкімінің орынбасары қызметінен босатылды