Дәрігерлер міндетті медициналық сақтандыру бойынша тест тапсырады
Тестілеу 4-17 желтоқсан аралығында онлайн режимде өтеді
Денсаулық сақтау министрлігі дәрігерлер мен орта медициналық қызметкерлердің нормативтік-құқықтық актілерін білу деңгейін тәуелсіз бағалайды, деп хабарлайды Azattyq Rýhy тілшісі министрліктің баспасөз қызметіне сілтеме жасап.
«ҚР Денсаулық сақтау министрлігі 4-17 желтоқсан аралығында міндетті әлеуметтік медициналық сақтандыруды енгізу шеңберінде «Ұлттық тәуелсіз емтихан орталығы» РҚБ жүйесінде онлайн режімда практикалық денсаулық сақтау мамандары (дәрігерлер мен орта медицинлық қызметкерлер) үшін нормативтік-құқықтық актілерін білу туралы тәуелсіз бағалауды ұйымдастыратынын хабарлайды», делінген хабарламада.
Тестілеуге қатысу үшін практикалық денсаулық сақтау мамандары алдын ала тіркеуден өтуі және ақпараттық бағалау жүйесіне өтінім беруі қажет, содан кейін бір жұмыс күні ішінде өңделуін күтеді. Тестілеу тәулігіне 24 сағат онлайн режімінде қолжетімді. Тестілеуден интернет желісіне қосылған кез келген құрылғыдан өтуге болады. Тестілеу уақыты 30 минутты құрайды.
