Әлия Назарбаева коронавирусқа қарсы қытай вакцинасын салдырды

Қазақстанның экологиялық ұйымдары қауымдастығының төрағасы Әлия Назарбаева коронавирусқа қарсы вакцина салдырғанын, қазір өзін жақсы сезінетінін хабарлады.

«Вакцинация жайлы әртүрлі пікір бар, ол бойынша әр адам ерікті түрде шешім қабылдауға құқылы. Демалыста жүргенде қытай вакцинасын салдырдым, қазір өзімді жақсы сезінемін. Бірақ, бір нәрсені естен шығармау керек, денсаулықтың басты кепілі – салауатты өмір салты», - деп жазды Әлия Назарбаева.

Еске сала кетейік, сәуір айында Қазақстанда 1 миллионннан астам азаматқа ресейлік «Спутник V» вакцинасын салу жоспарланып отыр. Бүгінде республика өңірлеріне 145 мың доза вакцина жеткізілді, наурыздың соңына дейін қосымша 150 мың дозаны жеткізу жоспарланып отыр.