ШұғылҚазақстанда өткен тәулікте 794 адамнан коронавирус анықталды

6 желтоқсанға арналған ауа райы болжамы

Республиканың кей жерінде тұман түсіп, көктайғақ болады, боран соғады

Жұма күні еліміздің солтүстігі мен шығысына қар түсіп, боран соғады, деп хабарлайды Azattyq Rýhy «Қазгидрометке» сілтеме жасап.

«6 желтоқсанда Қазақстанның басым бөлігінде фронтальді бөліктердің өтуіне байланысты ауа райы құбылмалы болады, кей жерлерінде жауын-шашын түсіп, солтүстікте, шығыста және оңтүстіктің кей жерлерінде қалық қар аралас жаңбыр жауады. Тек еліміздің батысында ғана антициклонның ықпалымен күн райы ашық болады. Республиканың кей жерінде тұман түсіп, көктайғақ болады, боран соғады, жел күшейеді. Қазақстанның солтүстігі мен шығысында 30 м/с және одан аса өтте қатты жел күтіледі», – делінген ауа райы болжамында.

Ақмола, Солтүстік Қазақстан, Шығыс Қазақстан облыстарында жел 15-20, екпіні 23-28 м/с күшейеді, кей жерлерінде 30 м/с және одан аса күтіледі, кей жерлерде тұман, көктайғақ, жаяу бұрқасын күтіледі.

Қостанай, Павлодар облыстарында жел 15-20, екпіні 23-28 м/с күшейеді, кей жерлерінде тұман, көктайғақ, жаяу бұрқасын соғуы ықтимал.

Батыс Қазақстан, Қарағанды облыстарының кей жерлерде тұман, көктайғақ, жаяу бұрқасын күтіледі, жел 15-20 м/с күшейеді.

Жамбыл, Түркістан, Қызылорда облыстарының кей жеріне тұман түсіп, коктайғақ болады, жел 15-20 м/с күшейеді, Жамбыл облысында екпіні 23-28 м/с жетеді.

Ақтөбе, Атырау облыстарының кей жерлерінде жел 18 м/с күшейеді, Ақтөбе облысында жаяу бұрқасын соғуы мүмкін.

Алматы облысының Жалаңашкөл ауданында жел 17-22 м/с күшейеді.