Шұғыл«Тауық пен сиырдың айырмашылығын білмейді» – Нұрлан Нығматулин Экология министріне ауылға баруға кеңес берді

Нұр-Сұлтанда дәрігерлер қайтыс болған адамды «тірі» деп хаттама толтырған

Ауруханада көз жұмған әжейдің немересі дәрігерлердің үстінен талай рет арыз жазғанымен, нәтиже жоқ деп отыр

Фото: ашық дереккөзден

Елордалық дәрігерлер қайтыс болған науқасты, «тірі» деп хаттама толтырған. Бұл туралы «Nur Otan» партиясының қоғамдық қабылдауында белгілі болды, деп хабарлайды Астана телеарнасы.

Төрт жылдан бері әділдік іздеп жүрген Шухрат Таджиддинов Ішкі істер министрі Ерлан Тұрғынбаевтан көмек сұрайды. Айтуынша қалалық аурухананың біріне асқазаны ауырып жатқызылған әжесіне дәрігерлер араша бола алмаған. Ең сорақысы, науқасты үйіне тірі күйінде жібердік деп хаттама толтырған, деді. Астаналық азамат ауруханадан денесін алып шықтым деп отыр. Дәрігерлердің үстінен талай рет арыз жазғанмен, нәтижесі жоқ деп ашынды.

«Дәрігерлер оның медициналық картасын да өзгерткен. Онкологиялық ауруы болды деп жазып қойыпты. Ондай болған емес. Медициналық экспертиза жасап көрсе болады. Осы жағдай бойынша талай рет сотқа арыз жаздым. Бірақ, істі жылы жауып қоя береді», - деді Нұр-Сұлтан тұрғыны Шухрат Таджиддинов.

Министр бұл жағдайды өз бақылауына алатынын айтып, қала тұрғынына қайтадан арыз жазуға кеңес берді. Бұдан бөлек, қоғамдық қабылдауға 70-ке жуық арыз-шағым түсті. Олардың арасында алаяқтық, зорлық-зомбылық және адам өлтіру қылмыстары бар. Негізінен жергілікті құзырлы органдардың әрекетсіздігіне шағымданушылар көп.