ШұғылЖыл басынан бері өндірістегі жазатайым оқиғалар салдарынан 310 адам зардап шеккен

Түркістан облысындағы Шақпақ ауылының тұрғындары өзен суын ішіп жүр

Ауылды ауыз сумен қамтуға 10 жылда бюджеттен екі рет қаражат бөлінген

Фото: ашық дереккөзден

Түркістан облысындағы Шақпақ ауылын ауыз сумен қамтуға 10 жылда бюджеттен екі рет қаражат бөлінген. Бірақ миллиондардың қайырын халық көре алмай келеді. Халқы талайдан ауыз судың азабын тартып жүр, деп хабарлайды Azattyq Rýhy тілшісі astanatv.kz-ке сілтеме жасап.

Шақпақтықтар екі күн сайын тайлы-тұяғы қалмай көше күзетеді. Өйтпесе әкімдік есебінен әкелінетін судан құр қалады. Оның өзі бес шақырым жердегі өзеннен алынатынын айтады. Бұған да кейде қолдары жетпей қалатынын көрінеді. 

Аудан атқамінерлері ауыз суға бөлінген қаражаттың қайыры болмауын жер асты суының тартылып кетуімен байланыстырды. Барлау жұмыстары дұрыс жүргізілмесе керек. Соған қарамастан биылдан қалмай Шақпақтың мәселесін шешеміз деп отыр. 

«Биылғы жылға 17 млн-ға қазір осы сәуір айының басында скважина қазуға жұмыс басталады. Сөйтіп ол биылғы жылы ескі су жүйесіменен халыққа берілетін болады. Ал енді келесі жылға толық реконструкция дейді қайта қалпына келтіру бойынша қайта құрылыс жұмыстары жүргізіледі», - деді Бәйдібек ауданы әкімінің орынбасары Бағлатбек Жанғазиев.

Шенділер Бәйдібек ауданындағы 52 елдімекеннің 11-інде ауыз су өзекті екенін жасырмады.