Алдағы 3 тәулікте еліміздің басым аумағында қар жауып, көктайғақ болады – Қазгидромет

Ресейдің еуропалық бөлігінен және Батыс Сібірдің солтүстік аймақтарынан жылжыған ылғалды атлантикалық циклондар Қазақстанды айналып өтпейді. Яғни, алдағы үш тәулік жауын-шашынды болады деп хабарлайды «Қазгидромет» синоптиктері.

Республиканың басым аумағында ылғалды қар жауып, жолдарда көктайғақ болады деп күтілуде.

«Алдағы үш тәулікте республикадағы бірнеше облыста жылбысқы қар, тұман, көктайғақ, солтүстік, орталық және шығыс аймақтарда екпінді батыс желі және бұрқасын күтіледі, бірақ ауа температурасы көпжылдық орташа мәннен жоғары болып сақталады», - делінген аталған хабарламада.