Шымкентте 2 қоқыс полигоны салынады

Azattyq Rýhy
03.12.2019, 15:23

Бұл жөнінде Шымкент қаласы әкімінің орынбасары Бұқарбай Парманов мәлімдеді

Фото: ашық дереккөзден

Шымкентте көпқабатты үй тұрғындары жан басына шаққанда қоқысқа 150 теңгеден, ал жекеменшік үйдегілер 176 теңгеден төлейді. Нұр-Сұлтан мен Алматы қаласында бұл тарифтер өте жоғары. Нұр-Сұлтанда көпқабатты үй тұрғындары жан басына шаққанда 259 теңгеден, жеке үйдегілер 276 теңгеден төлесе, Алматыда 1 адамға 553 теңгеден (көпқабатты тұрғын үй) және 555 теңгеден (жеке) келеді.

Төмен баға мердігер мекемелердің қалтасына салмақ салып, нәтижесінде 8 мекеме қызметінен бас тартыпты. Алайда, қала басшылығы қоқыс бағасын көтеруді көздемей, бұл мәселені шешудің өзге де жолдарын қарастырып жатыр екен.

«Бүгінде Шымкентте 2076 қоқыс тастайтын контейнерлердің тозығы жеткен. Осыған байланысты 2020 жылға қарай жергілікті бюджеттен қаржы бөлінбек. Сонымен қатар, қоқыс жәшіктерін мемлекеттік-жекеменшік әріптестік арқылы инвестиция тарту арқылы жаңарту көзделіп отыр. Қоқыс тасымалдайтын техникамен қамтамасыз етудің жобалары жасалды. Мердігер мекеме анықталып отыр. Енді бюджетке салмақ салмай, мердігерлер есебінен осы жұмыстарды атқарамыз. Бұл жұмыстардың мердігерлерге тиімділігі - қоқысты қайта өңдеу арқылы энергия өндіріп, пайда таба алады», - дейді Бұқарбай Рысқұлұлы.

Бүгінде Шымкент-Ташкент тас жолы бойында 1 ғана қоқыс полигоны бар.  Алайда, бұл полигон қаладан бір тәулікте шығатын қоқыс көлеміне шақталмаған. Сол себепті, салаға жауапты мамандар Алматыға шығатын жол бойынан тағы 2 қоқыс полигонын салуды жоспарлап отыр. Аталмыш жер телімдері мемлекет меншігіне өтіп, орнына полигондар салынады. Оның бірі тұрмыстық қалдықтарға арналса, екіншісі құрылыстан қалған қоқыс үшін. 2 полигонның жобалық сметалық құжаттарын дайындауға қазынадан 550 млн теңге қаралған. Полигонның маңайы қоршалып, абаттандырылатын болады.

Келер жылы қала келбетін жақсарту мақсатында да атқарылатын біраз жұмыс жоспарда бар екен. Мегаполис аумағында 7 млн түп ағаш пен гүл көшеттерін отырғызу жоспарланып отыр.

«Ерлан Қуанышұлы (Шымкент әкімі – авт.) қалаға кіреберістегі 4 бағытты абаттандыру жөнінде тапсырма берді. Жобалары бекітіліп, анықталды. Бірінші бағыт - Түркістан қаласынан кіреберістегі 5 шақырым жолға 100 мыңнан астам көшет егу жұмыстарын бастадық. Жерді тегістеп, көшеттерді суғаратын ұңғымалар қазып, айналасын абаттандыратын боламыз. Екінші бағыт - Бозарық арқылы Алматыға кететін жол бар. Ол жерде 8 шақырым жер. Ол жаққа да көшет, ағаш егуді бастаймыз. Үшінші бағыт - Ташкент тас жолының бойы. Төртінші бағыт - Төлеби ауданына апаратын жолдың бойы», - дейді Бұқарбай Парманов.

Сонымен қатар, биыл Шымкенттегі А.Байтұрсынов көшесі бойынан құны 47 миллион болатын саябақ ашылды. Енді 2020-2021 жылдары дәл осындай 37 саябақ ашу жоспаланып отыр. Келер жылы қалада 10 үлкен саябақ қолданысқа беріледі деген жоспар бар.

Сондай-ақ, қала билігі 249 көшені жарықтандыруды көздеп отыр, осы мақсатта қазынадан 2,5 млрд қаржы сұралған.  

Шымкент қаласының 2020 жылы ТМД-ның мәдени астанасы атануына орай, қалада тез көгеретін роза, раушан гүлдерін егіп, шынар, туя, прион ағаштарын егу жоспарланып отыр. 

«2019 жылы абаттандыру және қаланың инфроқұрылымын дамыту бойынша біраз жұмыстар атқарылды. Дегенмен, қаржының тапшылығына байланысты, біраз жұмыстарымыз тоқтап қалды. Келер жылы атқарылатын жұмыстардың жобалары бекітіліп, қаржысы анықталды. Қазынадан тиісті қаржы бөлінсе, атқаратын боламыз. Алдағы үш жылда жоспарды 99 пайызға орындауды көздеп отырмыз. Әрине, оның барлығы мемлекеттік бюджет есебінен емес, көптеген жобаларды инвесторлар арқылы қаржыландыруды ойластырып отырмыз», - деді қала әкімінің орынбасары.

Арай Есенбек, Шымкент

Біздің ең маңызды және қызықты жаңалықтарды біздің Telegram-каналдан оқыңыз
‡àãðóçêà...
Өзге де қызықты мақалалар
Студенттерге волонтерлік қызмет үшін қанша төленеді?
Британиядағы сайлауда Борис Джонсонның партиясы жеңіске жетті
Арменияда көлік сатып алған қазақстандықтарға жалған құжаттар беріліп келген

Сұхбат
«Абайдың 45 сұрағы» жобасының кезекті қонағы - филолог, абайтанушы Омар Жәлел
Ирактан Қазақстанға қайтарылған 14 баланы ортаға бейімдеу жұмыстарымен айналысып жатқан психолог мамандармен сұхбат
Бүгін сайтымызда саясаттанушы Айдос Сарыммен болған сұхбат жарияланды
Уролог-андролог маман Максет Рысбаев дені сау сперматозоидтар шығара алмайтын жігіттердің көбеюінің бір себебі - туғаннан жаялығы шешілмейтін балалар санының артуымен деп есептейді