ШұғылCOVID-19: Қазақстанда өткен тәулікте 2000-нан астам адамнан вирус анықталды

Қазақстанда француз технологиясы бойынша ешкі ірімшігі өндірісі ашылады

Өндіріске бастапқы инвестициялардың көлемі 1 млн еуроны құрайды

 

Фото: ашық дереккөзден

Қазақстан Франциядағы елшіcі Жан Ғалиев «D. A. E.» компаниясының басшысы Давид Аммёмен кездесті, деп хабарлайды Azattyq Rýhy ҚР Сыртқы істер министрлігінің баспасөз қызметіне сілтеме жасап.

Келіссөздер барысында француз кәсіпкері жергілікті шикізат пен жұмыс күшін пайдалана отырып, Алматы облысында ешкі сүтінен ірімшік өндірісін ашу туралы жоспарларымен бөлісті. Өндіріске бастапқы инвестициялардың көлемі 1 млн еуроны құрайды.

Жобаны қаржыландыруға «Kairos Advice» халықаралық инвестициялық-консалтингтік компаниясының Бас директоры Айгүл Саинова да қатысады. Өндірісті дамыту үшін Франциядан асыл тұқымды мал импорты, сондай-ақ технологиялар трансфері мен тәжірибе бөлісу көзделіп отыр.

Елші бұл жоба Қазақстан мен Франция арасындағы ынтымақтастықтың басым салаларының бірі болып табылатын ауыл шаруашылығына сәйкес келетінін атап өтті.

«Ешкі сүтінен жасалған ірімшіктің ЕАЭО, ҚХР және Орталық Азия елдерінің нарықтарына жеткізудің елеулі әлеуеті бар», - деп атап өтті елші.

Елші аталған жобаға ҚР СІМ, «Kazakh Invest «ҰК» АҚ және басқа да мүдделі ведомстволар тарапынан қажетті сүйемелдеу көрсетілетініне сендірді.

Кездесу қорытындысы бойынша Д.Аммё Қазақстан елшілігіне қолдау көрсеткені үшін алғысын білдірді. Француз инвесторы алдағы уақытта жобаны бастап, ешкі ірімшігінің алғашқы партиясын тұтынушыларға ұсыну үшін Қазақстанға баруды көздеп отыр.