ШұғылКоронавирус вакцинасын салдырған қазақстандықтар саны 700 мыңға жуықтады

ДДСҰ: Қытай COVID-19-ға қатысты барлық мәліметті ұсынған жоқ

Әзірге Қытай бұған ешқандай пікір білдірген жоқ

Фото: ашық дереккөзден

Қытай Дүниежүзілік денсаулық сақтау ұйымының сарапшыларына коронавирустың пайда болуына қатысты деректерді ұсынудан бас тартты. Бұл туралы Уханьға барған мамандардың бірі The Wall Street Journal басылымына берген сұхбат барысында айтты, деп хабарлайды Azattyq Rýhy тілшісі 24.kz-ке сілтеме жасап.

Ғалымның сөзінше, сарапшылар COVID-19-дың қалай шыққанын анықтау үшін Қытайға барғанда ел билігі коронавирус жұқтырудың алғашқы 179 дерегі жайлы мәліметтерді ұсынудан бас тартқан. Оның орнына Қытай тарапы өздері жасаған талдау жұмыстарының нәтижесін көрсетіпті. 

Негізі Дүниежүзілік денсаулық сақтау ұйымына мүше елдер қандай да бір ауру бойынша бастапқы ақпаратпен бөлісуі керек. Осылайша, мамандар әр жағдайды жеке-жеке зерттеуге мүмкіндік алады.

Айта кетейік, Қытай елі әзірге ғалымның сөзіне ешқандай пікір білдірмей, үнсіз қалып отыр.