ШұғылҚазақстанда тағы 658 адамнан коронавирус анықталды

Атырау облысында карантиндік шектеу шаралары ұзартылды

Шектеу шаралары облыс аумағындағы ахуалдың өзгеруіне сәйкес қайта қаралуы мүмкін

Фото: ашық дереккөзден

Атырау облысының Бас мемлекеттік санитариялық дәрігері Мәдениет Танауовтың жаңа қаулысы шықты, деп хабарлайды Azattyq Rýhy.

Облыстың бас санитар дәрігерінің2021 жылғы 10 ақпандағы №3 «Атырау облысындағы шектеу карантиндік шаралары және оларды кезең-кезеңімен жеңілдету туралы» қаулысында карантиндік шектеу шараларының тағы да ұзартылатыны айтылған.

«Атырау облысы аумағында эпидемиологиялық жағдай тұрақталғанға дейін шаруашылық және (немесе) өзге де қызметпен және халықтың тыныс-тіршілігінің ерекше жағдайларымен шектеу шаралары ұзартылсын. Шектеу іс-шараларының режимі мен мерзімдері облыс аумағында COVID-19 коронавирустық инфекциясының таралуы бойынша ахуалдың өзгеруіне сәйкес қайта қаралуы мүмкін», - делінген қаулыда.

Өңірдің Бас мемлекеттік санитариялық дәрігерінің қаулысына сәйкес:

- Мәдени нысандардың, кинотеатрлардың, театрлардың қызметіне отыратын орынның 20%-нан асырмай рұқсат берілді.

- Мемлекеттік органдар мен квазимемлекеттік сектор ұйымдары қызметкерлерінің кемінде 60%-ын «қашықтан» жұмыс нысанына ауыстыру.

- ХҚКО жұмысына сенбі күні 09.00-ден 13.00-ге дейін рұқсат берілді.

- Білім беру объектілеріндегі қоғамдық тамақтану нысандарының қызметіне рұқсат етілді.

- Сауда үйлері мен сауда орталықтары, азық-түлік және азық-түлік емес базарлардың жұмыс уақыты 09.00-ден 20.00-ге дейін ұзартылды.

- Қоғамдық тамақтану объектілеріне сағат 08.00-ден 24.00-ге дейін, ұжымдық іс-шаралар өткізбей, 50-ден аспайтын отыратын орын орнатып, 50% дейін толтырылуымен жұмыс жасауға рұқсат етілді.