Алматылықтардың орташа жалақысы – 220 мың, Сағынтаевтікі – 760 мың теңге

Алматы қаласының әкімі Бақытжан Сағынтаев елордалық журналистерге айлық жалақысының қанша екенін айтып берді

Фото: informburo.kz

Мегаполис басшысы басқа әкімдерімен шамалас жалақы алады екен.

«Жалақым басқа әкімдердің жалақысымен бірдей шығар, менің айлығым шамамен 950 мың теңге. Табыс салығы мен әлеуметтік салықтың көлемін білесіздер ғой, соны есептегенде қолыма 750-760 мың теңге айлық аламын. Бұл сома айдағы жұмыс күндердің санына байланысты», - деді Сағынтаев журналистерге.

Алматы басшысы брифингтегі баяндамасында алматылықтардың орташа жалақысы 220 мың теңге екенін айтты. Әкімнің дерегіне сүйенсек, қалада ресми тіркелген 1 млн 800 мыңнан аса адамның 1 миллионнан астамы пен қамтылған.

Кенжекей Тоқтамұратқызы, Нұр-Сұлтан