Қазақстанның бас санитар дәрігері мен денсаулық сақтау вице-министрі вакцина салдырды

Оларға ресейлік Sputnik V вакцинасы салынды

Денсаулық сақтау вице-министрі – Қазақстанның бас мемлекеттік санитар дәрігері Ерлан Қиясов пен вице-министр Ажар Ғиният ресейлік Sputnik V вакцинасын салдырды, деп хабарлайды Azattyq Rýhy тілшісі. 

Вакцинация Нұр-Сұлтандағы №6 қалалық емханада өтті. Ерлан Қиясов пен Ажар Ғиниятты алдымен дәрігерлер тексерді, ал екпе алғаннан кейін олар 30 минут бойы ақ халаттылардың бақылауында болды.

Бас санитар дәрігер мен денсаулық сақтау вице-министрі өздерін жақсы сезінетіндерін айтты.

Айта кетейік, Президент Қасым-Жомарт Тоқаевтың тапсырмасы бойынша Қазақстанда бүгіннен, яғни 1 ақпаннан бастап ерікті түрде халыққа кезең-кезеңімен вакцина егу басталды. 

Ал 15 ақпаннан бастап Қарағанды ​​зауытында шығарылған "Спутник V" препараты вакцинация үшін қолданылады.

×
Бұл желілік ресурстың ақпараттық өнімдері 18 жастан асқан адамдарға арналған.