ШұғылӨткен тәулікте қанша адамның коронавирус жұқтырғаны белгілі болды

Өскеменде жаңа қоқыс полигоны салынады

Құрылыс жұмыстары 2021 жылы басталуы керек.

Фото: yk.kz

Өскеменде Қасым Қайсенов кентінің жанына жаңа қоқыс полигоны салынады, деп хабарлайды yk.kz.

«Учаске анықталды. Жыл соңына дейін жер құжаттарын рәсімдейміз. Содан кейін Еуропалық қайта құру және даму банкі өзінің экономикалық моделін әкімдікке ұсынып, талқыға салады. Айта кетейік жоспар бойынша полигон ғана емес, барлық экологиялық және санитарлық нормаларға сәйкес келетін қоқыс өңдеу зауыты тұрғызылады, – деп мәлімдеді облыстық энергетика және ТҮКШ басқармасына қарасты тұрғын үй-коммуналдық шаруашылық бөлімінің басшысы Самат Сүлейменов.

Оның айтуынша, полигон заманауи жабдықпен, сұрыптау желісімен жабдықталады. Құрылыс жұмыстары 2021 жылы басталуы керек. Негізі қаладағы ескі полигонның мерзімі 2019 жылы аяқталған. Бірақ оған балама болмағандықтан, қоқыс алаңын бір жыл пайдалануға рұқсат берілді.