Бірнеше өңірде және Нұр-Сұлтан мектептерінде сабақ тоқтатылды

Нұр-Сұлтан, Қостанай, Қарағандыда және Шығыс Қазақстан облысындағы мектептерде бүгін де сабақ болмайды.

Елордалық Білім басқармасының хабарлауынша, күннің суытуына байланысты 21 қараша күні қаладағы 0-9 сынып оқушыларына сабақ болмайды.

Сонымен қатар, ШҚО Білім басқармасы да өңірде оқушылардың бүгін меткепке бармайтынын хабарлады. Атап айтқанда, Өскеменде ауа температурасы -31 градусқа дейін суытуына байланысты бірінші ауысымдағы 1-11 сынып оқушылары сабақтан босатылды.

Алтайда да 1-11 сынып оқушылары, Семейде 1-9 сынып оқушылары үшін бүгін сабақ жоқ.

Қатты аязға байланысты Қостанайда 0-5 сынып оқушылары, Қарағандыда 0-4 сынып оқушылары, Теміртауда 0-9 сынып оқушылары бүгін мектепке бармайды.