Бүгін қазақстандық теннисшілер Astana Open турниріндегі кездесуін бастайды

Нұр-Сұлтан қаласында теннистен өтіп жатқан ATP 250 Astana Open турнирінің 28 қазандағы жарыс күні қазақстандық теннисшілер – Михаил Кукушкин мен Александр Бубликтің қарсыласына қарсы матч өткізеді.

Әлемнің 49-ракеткасы Александр Бублик турнир рейтингінде 6 сатыда тұр. 1/16 финалда ол АҚШ спортшысы Маккензи Макдональдпен шеберлік сынасады. Ал бұл кездесудің жеңімпазы бір күн бұрын ресейлік Аслан Карацевті ұтқан, уайлд-кард иегері Андреас Сеппимен ойнайды.

Бублик пен Макдональд осыдан екі апта бұрын Санкт-Петербор қаласындағы кортта кездескен. Ойын 6:2, 6:7 (2:7), 6:4 есебімен үш сетте де қазақстандықтың пайдасына шешілген еді. 

Михаил Кукушкин Astana Open турниріндегі кездесуін Аргентина құрамасының сапында Дэвис кубогын иеленген, әлемнің 76-ракеткасы Федерико Дельбониске қарсы өткізеді. Жеңіске жеткен жағдайда оның қарсыласы - турнирдің көшбасшысы Бенуа Пэрм.

Михаил Кукушкин мен Федерико Дельбонис Ұлттық теннис орталығының кортына Фернандо Вердаско мен Джон Миллман арасындағы матч аяқталғаннан кейін, шамамен сағат 14:50 шығады.

Александр Бублик пен Маккензи Макдональд текетіресі Нұр-Сұлтан уақытымен сағат 18:00-де өтеді.

Короновирус пандемиясына байланысты турнир жанкүйерсіз өтіп жатыр. Ойын трнасляциясы QazSport телеарнасы арқылы көрсетіледі.  

Astana Open додасының 1/8 финалының басқа қатысушылары анықталды. Олардың арасында Фрэнсис Тьяфу, Миомир Кецманович, Адриан Маннарино бар. Финал 1 қараша күні өтеді.

Айта кетейік, Қазақстанда алғаш рет өтіп жатқан ATP 250 турнирінің жалпы жүлде қоры - 275 мың доллар.