Енді экологиялық төлемдер тек табиғатты қорғау шараларына жіберілетін болады
Бұл туралы Мәжілістің жалпы отырысында айтылды
Ұлттық экономика министрлігі экологиялық төлемдерден түскен қаражатты өңірлердің экологиялық проблемаларын шешуге 100 пайыз бағыттау бастамасын қолдады, деп хабарлайды Azattyq Rýhy.
«Экологиялық кодекс жобасында өңірлердің жергілікті экологиялық қажеттіліктеріне экологиялық төлемдердің 100 пайыздық бағыты туралы нормалар бар. Айтыңызшы, бұл мәселе бойынша сіздің ұстанымыңыз қандай?», - деп сұрады депутат Тарас Хитуов Мәжілістің жалпы отырысында.
Бұл сұраққа жауап бере отырып, ҚР Ұлттық экономика вице-министрі Ермек Алпысов ведомствоның бұл тетікті қолдайтынын растады.
«Жергілікті бюджетке түсетін экологиялық төлемдер жергілікті мәселелерді шешуге бағытталуы керек. Алдын ала бюджет кодексіне сілтеме ретінде экологиялық кодексте бұл мәселе қарастырылуда деп жазылған», - деді вице-министр.
Ермек Алпысовты Парламент Мәжілісінің төрағасы Нұрлан Нығматулин қолдады.
«Дұрыс. Бұл өте маңызды мәселе. Экологиялық төлемдер жергілікті бюджетке түседі. Содан кейін ақшаның қандай мақсаттарға жұмсалғанын Құдай біледі. Жасыратыны жоқ, сол ақша экология мәселелерінен тыс басқа мәселелерге жұмсалады. Солай емес пе? Енді, осы заң жобасына сәйкес, экологиялық төлемдер тек экологиялық шараларға жіберіледі. 100 пайыз. Менің ойымша, бұл өте дұрыс және қажет. Сондықтан біз бұл норманы қолдаймыз», - деп түйіндеді Н. Нығматулин.
