Тоқаев «Егемен Қазақстан» газетін заман талаптарына сай шығаруды тапсырды

Қасым-Жомарт Тоқаевқа «Егемен Қазақстан» газетінің қазіргі қызметі туралы егжей-тегжейлі баяндалды.

Дархан Қыдырәлі Президентке коронавирус пандемиясы кезінде қолға алынған жаңа жобалар туралы айтты.

Сондай-ақ Мемлекет басшысына Халықаралық Түркі академиясының биыл атқарылған жұмыстары туралы да мәлімет берілді. Хакім Абайдың 175 жылдық мерейтойы аясында ұлы ақынның аударылып, жарық көрген шығармалары, әл-Фарабидің 1150 жылдығы аясында өткізілген халықаралық ірі жиындар мен конференциялар, Алтын Орданың 750 жылдығы аясында жарық көрген жаңа кітаптар жөнінде толық ақпарат берілді.

Кездесу соңында Мемлекет басшысы «Егемен Қазақстан» газетін заман талаптарына сай шығарып, Халықаралық Түркі академиясының жұмысын одан ары ілгерілете беруді тапсырды.