Әлемде коронавирус жұқтырғандар саны 33 миллионға жуықтап қалды

Әлемде коронавирус жұқтырғандар саны 33 миллионға, инфекциядан қайтыс болғандар саны 1 миллионға жуықтап қалды, деп хабарлайды Azattyq Rýhy тілшісі Джонс Хопкинс университетіне сілтеме жасап.

Коронавирустан 22,8 млн адам жазылып шықты. 32,9 млн адамнан коронавирус анықталып, 995 мың адам қайтыс болды. 

Әлем бойынша коронавирус жұқтырғандар саны бойынша АҚШ (7,1 млн), Үндістан (5,9 млн), Бразилия (4,7 млн), Ресей (1,1 млн) көш бастап тұр. Сонымен қатар алғашқы ондыққа Колумбия (806 мың), Перу (800 мың), Мексика (726 мың), Испания (716 мың) және Аргентина (702 мың) кіреді.