ШұғылCOVID-19: Қазақстанда 14 адам өкпені жасанды желдету аппаратына қосылған

Елімізде коронавирустық пневмониямен ауырғандар саны күрт өсті

Осы жылдың 1 тамызынан бастап барлығы 345 адам пневмониядан көз жұмған

Фото: ашық дереккөзден

Өткен тәулікте Қазақстанда 364 адам коронавирустық пневмониямен ауырған. Кеше індет жұқтырғандар саны небәрі 20 адам еді. 

Соңғы бір тәулік ішінде 66 адам жазылып шықты. Бұл туралы COVID-19 таралуына жол бермеу жөніндегі ВАК хабарлады.

Осы жылдың 1 тамызынан бастап барлығы 31 532 адам пневмониямен ауырса, 345 адам көз жұмған. 26 805 адам сауығып шықты.

Қазіргі уақытта елімізде коронавирустық инфекциядан 3 524 адам ем қабылдауды жалғастыруда. Олардың арасында 32 өскіншек бала бар. Стационарларда 1 868 науқас жатыр. 1 656 адам амбулаториялық жағдайда емделуде.

Жалпы, науқастардың арасында 101 адамның ахуалы нашар. Соның ішінде 14 науқастың жағдайы аса қатты ауыр деп бағалануда. 20 науқас өкпені жасанды желдету аппаратында жатыр.