Шілдеде Қазақстанда 28 мыңнан астам адам қайтыс болған - Статком

Шілдеде коронавирустан көз жұмған 870 адам тіркелді

Фото: баспасөз қызметінен

2020 жылдың шілдесінде Қазақстанда 28 мыңнан аса адам қайтыс болған. Бұл 2019 жылдың шілдесімен салыстырғанда 2,27 есе көп, деп хабарлайды Azattyq Rýhy тілшісі Ұлттық экономика министрлігі Статистика комитетіне сілтеме жасап.

«Шілдеде Қазақстанда 28 178 адам қайтыс болған. Бұл жыл басынан бері қайтыс болғандар ішінде ең жоғары көрсеткіш. Салыстыру үшін алсақ, биыл қаңтарда 11 867 адам, ақпанда 10 842, наурызда 8 511, сәуірде 4 441 адам көз жұмған. Кейін өлім саны арта бастады - мамырда 14 358, маусымда 14 949 адам қайтыс болды.

Айта кетейік, шілдеде коронавирус құрбандарының саны да көп болды - 30 маусым мен 2 тамыз аралығында Қазақстанда COVID-19-дан 870 өлім тіркелді.

Мақалада

#Қазақстан #статистика #Статистика комитеті

Алдыңғы жаңалық

Алматыдағы шағынаудандардың бірі 30 жылдан бері ауыз сусыз отыр