Ақтөбеде таныстарын бопсалаған жігіт 5 жылға сотталды

№2 Ақтөбе қалалық сотында 31 жастағы қала тұрғынына сот үкімі шықты. Ол өз таныстарын қорқытып, 4 миллион теңге алып жатқан жерінен ұсталды, деп хабарлайды Aktobenews.kz

Фото: ашық дереккөзден

Басылымның хабарлауынша, сотталушы Қанат Мақсатов таныстарына жеңіл көлікті уақытша пайдалану үшін береді. Көлік жөндеу орталығында тұрған машина белгісіз жағдайда жоғалып кетіп, оның шығынын жәбірленуші Олжас Жалғасов өтеді. Іс материалына сүйенсек, жоғалған көлік үшін ол 1,8 миллион теңгеден астам қаржыны қолма-қол санап берген.  

«Кейін сотталушы М.Қанат тағы 1,5 миллион теңге сұраған. Және әр тәулік үшін 70 000 теңге көлемінде пайыз қосатыны туралы мәлімдеген.  Жәбірленуші О.Жалғасов отбасының амандығын ойлап, болған жайтты полицияға хабарлайды. Соңында сотталушы барлығы 5,3 миллион теңге сұрап, 4 миллион теңге алып жатқан жерінен ұсталды», - деп жазылған сот материалында.

Сот үкімімен Қанат Мақсатов 5 жылға бас бостандығынан айырылды. Жазаны қылмыстық-атқару жүйесінің орташа қауіпсіз мекемесінде өтейді.

Сұхбат
Түркиядағы қазақ журналисі шетел асқысы келетін жастарға кеңесін айтты
Нұр-Сұлтандық полиглоттың тіл үйретудегі құпиясы
«Сергек» қожайыны жоба туралы бар шындықты айтты