ШұғылҚазақстанда тағы 1708 адамнан коронавирус анықталды

Мұхаммед Пайғамбардың өзі қажылыққа екі-ақ рет барған - Діни басқарма

Діни басқарма Алматыда дүркіретіп той жасаған қажының әрекетіне баға берді

100 мәрте қажылыққа барған Амангелді Еренғайыпұлы Алматыда 400 адам шақырып аста-төк той жасағанын бұдан бұрын жазған болатынбыз.Мақала қоғамда қызу талқыға түсті. Осы орайда Қазақстан Мұсылмандары Діни басқармасының пікірін білуді жөн көрдік.  Қажылық бөлімінің меңгерушісі Жанділда Бекжігітовтің айтуынша, шариғатта қажылыққа  баруға шектеу қойылмайды. Бірақ, құлшылықтың қанша рет жасалғанын жалпақ жұртқа жариялауға тыйым салынады.

Қажылық сапарға адам апарумен Қазақстанда 20 фирма айналысады

Мекке-Мединеге жыл сайын елімізден үш мыңнан астам адам аттанса, олардың 10-15% қажылыққа қайталап баратындар. Бүгінде ҚМДБ ресми түрде танып, етене жұмыс істейтін 20 туристік фирма бар. Амангелді Еренғайыпұлына тиесілі  «Нұр-Қазақстан» компаниясы да солардың бірі. Оның президенті де қажылыққа жұмыс бабымен, жол көрсетіп барады.

«Діни басқарма фирма басшыларына, қажылыққа қызмет етіп жүрген адамдарға қоғамның ашуын тудыратын, құлшылықты бұзатын, құлшылыққа кері әсерін тигізетін осындай іс-әрекеттерге бармаса екен деп ескертеді. Бұл қоғамда жағымсыз пікір қалыптастырды. Оны исламтанушылар да айтып жатыр. Пайғамбарымыздың әдемі хадисі бар: кедей, міскін адам шақырылмаған дастарханның қайыры жоқ дейді.  Ал енді өңкей игі жақсыларды жинап алып той жасауы шүкіршілікке келмейді. Ол - даңғазалық, мақтаншақтық », - деді  ҚМДБ Қажылық бөлімінің меңгерушісі Жанділда Бекжігітов. 

Қажылыққа бару рекорд орнату емес

Жер бетіндегі мұсылман жамағаты  арасында мынша рет қажылыққа барды деген рекордтық көрсеткіш жоқ. Діни басқарма өкілінің айтуынша, Мұхаммед Пайғамбардың өзі өмірінде қажылыққа екі рет барған.

«Қонаққа келген арабтың өзі де мұндай тойды Қазақстаннан бірінші рет көріп отырғанын айтты. Амангелді Еренғайып Әбу Ханифа 40 рет барды деді. Ресми деректерде Имам Ағзам Әбу Ханифа 55 рет барған деп айтылады. Ол мен 55 рет бардым деп астамшылдықпен той жасап, айтқаны жөнінде еш жерде жазылмаған », - деді Жанділда Бекжігітов.

Жеке адамның қателігі үшін исламға күйе жағуға болмайды. Имам, молдалар теріс қылық танытып жатса,  оны пенде деп қабылдау керек. Ал ислам - пәк, мөлдір, таза, деп сөзін түйіндеді мүфтият өкілі.

Әмірболат Құсайынұлы, Алматы

Сұхбат
Себебі су тасымалдайтын ирригациялық жүйенің әбден тозығы жеткен 
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады