Нұр-Сұлтан-Алматы бағытындағы тағы бір жолаушы пойызы қайта жүре бастады

Нұр-Сұлтан қаласы мен Алматы арасына қатынайтын пойыз қалпына келтірілді, сонымен қатар елорда мен Өскемен арасына қосымша рейс ашылды, деп хабарлайды Azattyq Rýhy тілшісі «Жолаушылар тасымалы» компаниясына сілтеме жасап.

Команияның хабарлауынша, № 4/3 «Нұр-Сұлтан - Нұрлы жол – Алматы-2» бағытындағы жолаушылар пойызының қатынауы қалпына келтіріледі. Бұл пойыз 25, 27, 29 тамыз және 1, 3, 5, 7, 9, 11 қыркүйекте елорданың «Нұрлы жол» вокзалынан жөнелтіліп, 26, 28, 30 тамыз және 2, 4, 6, 8, 10, 12 қыркүйекте Алматы-2 вокзалына келеді ары қарай қайта жолға шығады. Пойыз 27, 29, 31 тамыз және 3, 5, 7, 9, 11, 13 қыркүйекте елорданың «Нұрлы жол» вокзалына жетеді.

Сонымен қатар, қосымша рейс № 68/67 «Нұр-Сұлтан – Нұрлы жол - Өскемен-1» бағытындағы жолаушы пойызы қатынайды. Пойыз 26, 30 тамыз және 3, 7, 11 қыркүйекте Нұр-Сұлтан-Нұрлы жолдан жөнелтіледі. 27, 31 тамызда және 4, 8, 12 қыркүйекте Өскеменнен келіп, ары қарай қайта жолға шығады. Пойыз Нұр-Сұлтан – Нұрлы жолға 28 тамызда және 1, 5, 9, 13 қыркүйекте келеді.