Алтай Көлгінов ұзаққа созылған құрылыс қарқынын арттыруды тапсырды
Қала әкімі «Шығыс» тұрғын үй кешеніне жататын блоктардың құрылыс барысымен танысты
Нұр-Сұлтан әкімі Алтай Көлгінов таңертеңгілік аралау барысында «Шығыс» тұрғын үй кешеніне жататын блоктарының құрылыс барысымен танысты, деп хабарлайды Azattyq Rýhy тілшісі әкімдіктің ресми сайтына сілтеме жасап.
«Шығыс» тұрғын үй кешеніне жататын 1а, 1в, 2а, 2в, 3а, 3б блоктарының құрылыс жұмыстарының барысымен таныстым. Бұл жердегі барлық блоктарда жұмыстар жүргізіліп жатыр. Құрылыс қарқыны мен жұмысшылар санын арттыруды тапсырдым. Қазіргі қолайлы ауа-райын барынша пайдаланып, үйлердің, шатырлардың қасбетімен айналысу керек. Сонымен бірге инженерлік желілерге уақтылы қосып, абаттандырумен айналысу қажет. Нысандағы жұмыстарды кестеге сәйкес аяқтау маңызды. Өз тарапымыздан барлық кедергілерді жоямыз, тиесілі қаржы бөлінген», – деп жазды Алтай Көлгінов.
