Қазақстандықтар 2027 жылдан бастап ұшатын таксиге міне алады
Үкіметте жол қозғалысы мен жаяу жүргіншілер қауіпсіздігін қамтамасыз ету мәселесі қаралды
Қазақстанда ұшатын такси қызметін келесі жылы іске қосу жоспарланып отыр. Бұл туралы Үкімет отырысында Yandex Qazaqstan бас директоры Тимур Шалекенов мәлімдеді, деп хабарлайды Azattyq Rýhy.
Үкімет отырысында премьер-министр Олжас Бектенов елімізде осындай таксилер нақты қашан қосылатыны жөнінде сұрады.
«Қазір Алматыда осындай алғашқы көлік сынақтан өтіп жатыр. Бүгінгі кезеңде қала туралы деректер жиналып жатыр, болашақта оның цифрлық картасын қалыптасады. Ал коммерциялық жолаушылар тасымалына көшу үшін көлік бірнеше мың шақырымды сынақ режимінде жүріп өтуі қажет», - деп жауап берді Yandex Qazaqstan бас директоры Тимур Шалекенов.
Сонымен қатар Тимур Шалекенов ұшатын таксилерге қатысты нормативтік-құқықтық база әзірленіп жатқанын алға тартты. Пилоттық жоба Алматы, Астана және Қосшы қалаларында іске қосылған.
Естеріңізге сала кетейік, жыл басында Алатау қаласының мәртебесі туралы құжат қаралғанда вице-премьер қанат Бозымбаев Алматыға келген турист ұшатын таксиге мініп, Алатау, Медеу немесе Қапшағайға 10 минутта ұшып бара алады деген еді.
