Қарағандыдағы Кеншілер күніне арналған концертке 170 мыңға жуық адам жиналды
Мерекелік шара кезінде қоғамдық тәртіп бұзылып, құқық бұзушылық деректері тіркелмеген
Қарағандыда Кеншілер күніне орай өтіп жатқан ауқымды концерттік бағдарламаға 170 мыңға жуық адам қатысты, деп хабарлайды Azattyq Rýhy Қарағанды облысының Полиция департаментіне сілтеме жасап.
Ведомство мәліметінше, мерекелік шараға облыстың әр өңірінен, көршілес қалалардан, сондай-ақ алыс-жақын шетелдерден тұрғындар мен қонақтар келген. Концертте әлемге танымал өнер жұлдыздары өнер көрсетуде.
Сағат 21:00-дегі жағдай бойынша мерекелік шараға қатысушылар саны 170 мыңға жуықтаған.
Көпшілік жиналған аумақта қоғамдық тәртіп пен қауіпсіздікті қамтамасыз ету үшін полиция қызметкерлері күшейтілген режимде жұмыс істеп жатыр. Оларға Ұлттық ұланның әскери қызметшілері, төтенше жағдайлар және денсаулық сақтау саласының мамандары жұмылдырылған.
«Қазіргі уақытта барлық мемлекеттік органдар штаттық режимде жұмыс істеп жатыр. Қоғамдық тәртіп бұзылған жоқ, құқық бұзушылықтар тіркелмеді», – деп мәлімдеді полиция.
Қауіпсіздік шаралары концерттік бағдарлама толық аяқталғанға дейін жалғасады.
