ШҚО-да карантин шаралары 17 тамызға дейін ұзартылды

ШҚО-да карантин шаралары тағы екі апта мерзімге ұзартылды, деп хабарлайды Azattyq Rýhy тілшісі Altaynews.kz-ке сілтеме жасап. 

Сәйкес қаулыға ШҚО Бас мемлекеттік санитариялық дәрігері Марат Исмаилов қол қойды.

«Шығыс Қазақстан облысының аумағында шаруашылық және (немесе) өзге де қызметтің және халықтың өмірінің ерекше шарттарымен бұрын қабылданған және енгізілген қатаң шектеу шаралары 2020 жылғы 03 тамыз сағат 00.00-ден 2020 жылғы 17 тамыз сағат 00.00-ге дейін ұзартылсын. Шектеу іс-шараларының режимі мен мерзімі облыс аумағында коронавирустық инфекцияның (COVID-19) таралуы бойынша жағдайға сәйкес өзгертілуі мүмкін», - делінген Қаулыда.