АҚШ Ормуз бұғазын толық бақылауда ұстап отыр – Трамп
Ол екі елдің әскери әлеуетін салыстырған
АҚШ президенті Дональд Трамп АҚШ-тың Ормуз бұғазын толығымен бақылап отырғанын мәлімдеді, деп хабарлайды Azattyq Rýhy.
Трамп АҚШ-тың Ормуз бұғазына деген бұл «толық бақылауын» әрі қарай да сақтап қалатынына сенім білдірді.
«Біздің әскери-теңіз блокадамызды жұрттың бәрі «болат қорған» деп атайды әрі Иран бұған қарсы ештеңе істей алмайды. Оларда флот та, әскери-әуе күштері де жоқ, аман қалған сарбаздары жалақы алмайды, ал Ислам революциясы сақшылар корпусы айтарлықтай шығынға ұшырап, қашып жатыр», – деп жазды Америка президенті Truth Social әлеуметтік желісінде.
Ол Иранның енді Таяу Шығыстағы «бұзақы» еместігін де сөзіне қосты.
10 тамызда Трамп АҚШ әскерилері Ормуз бұғазын миналардан тазартып, оны «100 пайызға» бақылап отырғанын хабарлаған болатын.
