БҚО-да «Ақ жол» партиясы тұрғындармен кездесу өткізді

«Ақ жол» демократиялық партиясы Батыс Қазақстан облыстық штабының өкілдері Ақжайық ауданындағы «Иона» және «Машенка» сауда үйлерінде, қоғамдық орындарда және такси тұрақтарында тұрғындармен, кәсіпкерлермен және жүргізушілермен кездесу өткізді, деп хабарлайды Azattyq Rýhy.

Кездесу барысында «Ақ жол» демократиялық партиясының сайлауалды бағдарламасының негізгі бағыттары таныстырылып, тұрғындарға бағдарламаның басым бағыттары кеңінен түсіндірілді.

Іс-шара аясында сауда үйлерінде, қоғамдық орындарда, такси тұрақтарында және аудан көшелерінде партияның сайлауалды бағдарламасы қамтылған үгіт-насихат материалдары таратылып, тұрғындардың ұсыныс-пікірлері тыңдалды.