Қазақстан-Өзбекстан шекарасындағы екі өткізу пункті тәулік бойы жұмыс істейтін болады
Бұл шекара бекеттерінің өткізу қабілетін арттырады
Мәжіліс Қазақстан мен Өзбекстан арасындағы мемлекеттік шекара арқылы өткізу пунктері туралы келісімге өзгерістер енгізуді көздейтін хаттаманы ратификациялады. Бұл құжатқа 2024 жылғы 8 тамызда Астана қаласында қол қойылған болатын, деп хабарлайды Azattyq Rýhy.
Жаңа өзгерістерге сәйкес, «Сырдария – Малик» және «Целинный – Ок олтин» өткізу бекеттерінің мәртебесі «екіжақтыдан» «халықаралық (көпжақты)» деңгейге ауысады. Сондай-ақ олардың жұмыс уақыты тек күндізгі режимнен тәулік бойы (24/7) жұмыс режиміне көшіріледі.
Бұл шешім шекара бекеттерінің өткізу қабілетін арттырып, жолаушылар мен жүк тасымалын жеделдетуге, сонымен қатар екі ел арасындағы транзиттік-көліктік әлеуетті нығайтуға мүмкіндік береді.
Көп оқылған
