Тоқаев Қызылорда облысына жаңа әкім тағайындады

Ақорда арнайы хабарлама жариялады

Фото: Мәжілістің баспасөз қызметі

Қызылорда облысына жаңа әкім тағайындалды, деп хабарлайды Azattyq Rýhy.

«Мемлекет басшысының жарлығымен Мұрат Нәлқожаұлы Ергешбаев Қызылорда облысының әкімі лауазымына тағайындалды», – делінген Ақорданың хабарламасында.

Ол Алматы халық шаруашылығы институтының халық шаруашылығын жоспарлау факультетін бітірген (1989), экономист.

1989 жылдан – Қызылорда облысы Сырдария ауданы Жамбыл кеңшарының экономисі;
1990 жылдан – Қызылорда облысы Сырдария аудандық агроөнеркәсіп бірлестігінің экономисі, экономикалық жоспарлау бөлімінің бастығы;
1993 жылдан – Қызылорда қаласы «қазақстан Әлем-Банкі» басқармасының несиелік маманы, несие бөлімінің бастығы, басқарма бастығының орынбасары;
1996 жылдан – Қызылорда облысы әкімінің кеңесшісі;
1998-2001 жылдары – Қызылорда облысы Халық банкі филиалының директоры;
2002 жылдан – Қызылорда облыстық Еңбек, халықты еңбекпен қамтамасыз ету және әлеуметтік қорғау басқармасы бастығының орынбасары;
2004 жылдан – Қызылорда қалалық қаржы бөлімінің бастығы;
2006 жылдан – ҚР Төтенше жағдайлар министрлігі «Өрт сөндіруші» АҚ экономика және қаржы жөніндегі вице-президенті;
2008 жылдан – Қызылорда қаласының әкімі;
2010 жылдан бері – Қызылорда облысы қаржы басқармасының бастығы;
Қармақшы және Шиелі аудандарының әкімі;
Қазақстан Республикасы Ұлттық экономика министрлігі Тұтынушылардың құқықтарын қорғау комитетінің Алматы қаласы бойынша тұтынушылардың құқықтарын қорғау департаменті басшысының орынбасары, «ҚазАгроӨнім» акционерлік қоғамының басқарушы директоры – аппарат басшысы;
2017 жылдың маусым – қазан айларында Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы;
2017-2021 жылдары Қазалы ауданының әкімі;
2021-2023 жылдары Сырдария ауданының әкімі;
2023 жылдың наурыз айынан бастап Парламент Мәжілісінің депутаты болды.