Павлодар облысында 8 әкімге айыппұл салынды

Павлодар облысында сегіз ауылдық округ әкімі тұрмыстық қалдықтарға қатысты заңбұзушылықтар үшін әкімшілік жауапкершілікке тартылды. Оларға жалпы сомасы 1,7 млн теңге айыппұл салынды, деп хабарлайды Azattyq Rýhy.

Прокуратура Аққулы ауданында 20-дан астам қоқыс полигонын анықтаған. Олардың бірде-бірінде   зиянды қалдықтарды шығаруға рұқсат болмаған.

Тексеру барысында полигондардың экологиялық және санитарлық талаптарға сай келмейтіні белгілі болды. Тіпті қажетті техникалық құжаттары болмай шыққан. Одан бөлек қалдықтардан бөлінетін сүзінді мен ағын суларды бақылау жүйесі де жолға қойылмаған.