Жаңбырлы күндер келе жатыр: алдағы демалыс күндеріне арналған ауа райы болжамы жарияланды

«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Azattyq Rýhy.

Барикалық циклондар мен антициклондардың ауысуына байланысты жайлы ауа райы жауын-шашынды күндермен алмасады.

«Жаңбыр жауады деп болжанып отыр, кей жерлерде найзағай күтіледі. 4 сәуірде елдің солтүстік-батысында, 5-6 сәуірде батысында, 5 сәуірде оңтүстігінде кей уақыттарда қатты жаңбыр жауады.

Қазақстан аумағында жел күшейеді, түнгі және таңғы уақытта тұман түседі, ал күндіз кей өңірлерде бұршақ пен дауыл (шквал) болуы мүмкін», – делінген синоптиктер болжамында.

Күндізгі ауа температурасының аздап өзгеруі күтіледі:

• елдің батысында 15-25 градустан 10-20 градусқа дейін төмендейді;
• солтүстікте 11-20 градустан 15-20 градусқа дейін жоғарылайды;
• шығыста 15-23 градустан 20-28 градусқа дейін ауытқиды;
• елдің қалған аумақтарында айтарлықтай өзгеріс күтілмейді.