Алматыда магнитудасы 5 балл болатын жер сілкінісі сезілді

Қазақстандық сейсмологтар Қытай аумағында болған жер сілкінісін тіркеді, деп хабарлайды Azattyq Rýhy.

Қазақстан Республикасының Ұлттық ядролық орталығының Геофизикалық зерттеулер институтының Ұлттық деректер орталығы жер сілкінісін 2025 жылғы 22 желтоқсан күні Астана уақытымен 02:16-да тіркеді.

Жер сілкінісінің эпицентрі Қытай аумағында, Алматыдан оңтүстік-шығыс бағытта орналасқан. Оның магнитудасы – 5 балл, энергетикалық класы – 11,5.

«Жер сілкінісі Алматы қаласында 2 балл қарқындылығымен сезілді», – делінген хабарламада.