Енді коронавирустан қаза тапқандар саны аптасына бір рет қана айтылады

Енді Қазақстанда коронавирус инфекциясынан қаза тапқандардың саны күнде емес, аптасына бір рет жария болады. Бұл туралы Денсаулық сақтау министрі Алексей Цой мәлім етті.

«Бұл өте маңызды жағдай. Біз бұрын өлген адамдардың санын күн сайын жариялап отырдық. Бірақ, науқас бір күн бұрын қаза тапса да, біз ол туралы ақпаратты келесі күні алып жатамыз. Сондықтан, біз енді статистиканы бір аптада бір рет жариялау форматына ауысуды жоспарлап отырмыз», - деді Алексей Цой.

Айта кетейік, бұған дейін министр өткен тәулікте коронавирустан 10 адам, пневмонияда дертінен 20 адам көз жұмғанын хабарлаған болатын.

Кенжекей Тоқтамұрат, Нұр-Сұлтан