Бір қолға 2-3 парацетамол: Денсаулық сақтау министрлігі әкімдермен меморандумға қол қояды

Бүгін адамның дене қызуын түсіретін таблетка түріндегі парацетамол дәрісінің кезекті партиясы нарыққа кетті. Бұл туралы Денсаулық сақтау вице-министрі Людмила Бюрабекова мәлім етті.

Елімізде тағы да дәрі тапшылығы пайда болмас үшін министрлік әкімдермен және қауымдастықтармен меморандумға қол қойып, бір адамға тек 2-3 дана дәріден сату туралы келісім жасайды.

«Бүгіннен бастап дене қызуын түсіретін таблетка түріндегі парацетамол нарыққа кетті. Қазір Алматы, Нұр-Сұлтан және Қарағанды облысының дәріханаларында бар. Осы аптаның соңына дейін басқа өңірлердің бәріне жетіп үлгереді», - деп сендірді Бюрабекова.

Оның айтуынша, Қазақстанда сатуға рұқсат берілген 80 түрлі парацетамол бар, сәйкесінше, экспорт жасауға рұқсат етілген ұйымдар саны да көп. Қазір дәрінің бұл түрі бөлшек сауда жасайтын дәріханаларда тапшы болып отыр, дейді вице-министр.

«Осы уақытқа дейін бірнеше өңірмен келісім жасалды, басқа өңірлермен де келісімге отыру жоспарланып отыр. Әкімдіктер мен жеке сауда қауымдастықтары арасында меморандумдар жасады, осылайша, бір қолға 2-3 дана парацетамол сатылады. Адам емделгенше, дәрінің осынша көлемі жеткілікті», - деп түсіндірді Бюрабекова.