Астанада трансформаторлық қосалқы станциядан өрт шықты

Астана қаласының Нұра ауданында Сығанақ көшесінде трансформаторлық қосалқы станцияда кабель өртенді, деп хабарлайды Azattyq Rýhy Төтенше жағдайлар мнистрлігінің баспасөз қызметіне сілтеме жасап.

Өрт сөндірушілердің кәсіби әрекетінің арқасында өрт одан әрі жайылмай, толығымен сөндірілді. Өртті сөндіру барлық қауіпсіздік шарасын сақтай отырып жүргізілді.

Зардап шеккендер жоқ.

ТЖМ азаматтарды өрт қауіпсіздігі талаптарын қатаң сақтауға шақырды.

Еске сала кетейік, биыл шілдеде Талдықорған қаласындағы қосалқы станцияда апат болып, Жетісу облысының елді мекендері жарықсыз қалған болатын.