Батыс Қазақстан облысында оқушыны сабаған мектеп директоры қызметінен шеттетілді

Батыс Қазақстан облысында 11 сынып оқушысын соққыған жыққан мектеп директоры қызметінен шеттетілді, деп хабарлайды Астана телеарнасы. Енді ол педагогикалық салада лауазымды қызмет атқара алмайды. Сонымен бірге 2 жыл бойына кәмелетке толмағандармен жұмыс істеуіне тиым салынды. Істі қараған судья, білім ошағының басшысына 202 мың теңге айыппұл салды.

«БҚО білім басқармасының басшылығына осындай құқықбұзушылықтың алдын алу, өңір мектептерінде білім алушыларға қауіпсіз кеңістік қалыптастыру, сала қызметкерлері арасында түсінік жұмыстарын жүргізу мақсатында жеке қаулы жолданды. Сот үкімі заңды күшіне енген жоқ»,- дейді БҚО Кәмелетке толмағандар істері жөніндегі мамандандырылған ауданаралық сотының судьясы Жанар Ешпанова.

Еске салайын бұған дейін "Astana Times", Батыс Қазақстан облысының Сырым ауданындағы орта мектеп директорының қатігездігі жайлы көрсеткен еді. Тәртіп бұздың деп, 11-сынып оқушысын соққыға жыққан. Ашуын тізгіндей алмаған мектеп басшысы, жеңіл дене жарақатын салғанын естіген ата-анасы, мектеп директорын сотқа бергенін айтқан едік.