Алматы облысында жүк көлігін тонаған «рэкеттер» қолға түсті

Жарияланған:
28.10.2019, 15:46

Ұсталғандардың бірі зардап шегушінің танысы екені анықталды

Фото: kolesa.kz

Үш адамнан тұратын қарақшылар КамАЗ жүргізушісіне шабуыл жасап, қомақты ақшасы мен ұялы телефонын қолды қылған, деп хабарлайды Azattyq Rýhy тілшісі. Жүк көлігін тонау оқиғасы Алматы-Өскемен тас жолында, Арқарлы асуының маңында орын алған. Алматы облыстық ПД баспасөз қызметінің хабарлауынша, қарақшылар жылдам қолға түскен. Тонау оқиғасынан соң көлік жүргізушісі Кербұлақ аудандық полиция бөлімшесіне барып, жолдың 126-шақырымында шабуылға тап болғанын хабарлаған.

«Алматының 25 және 32 жастағы тұрғындары мен Қарасай ауданының 32 жастағы тұрғыны ұсталды. Олардың екеуі бұған дейін ұрлық жасағандары үшін сотталған. Одан бөлек, полиция ұсталғандардың бірі зардап шегушінің танысы екенін анықтады. Ол жүк көлігінің бағытын біліп, сыбайластарын қылмыс орнына апарған. Аталған дерек бойынша ҚР ҚК 191 бабы бойынша тергеу жұмыстары басталды. Ұрланған заттардың бір бөлігі тәркіленіп, қылмыстық істе заттай айғақ ретінде тіркелген», - деді облыстық ПД баспасөз қызметінің өкілі Серік Үпиев.

Күдіктілер қамауға алынып, олардың өзге де қылмыстарға қатысы бар-жоғы тексеріліп жатыр.

Әмірболат Құсайынұлы, Алматы 

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Елордада қару асынып видеоға түскен жігіт ұсталды (видео)
БҚО-да автокөлік аударылып, екі адам ауруханаға жеткізілді
19 жастағы қыз түнгі клубта билеп жүріп босанып қалды

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.