Семейдің автопаркі елде жоқ ереже бекітіп, 125 жүргізушіні әбден қинаған

Семей қаласындағы автопарктердің бірі 125 автобус жүргізушісіне заңсыз жолмен санкция салып, заң бұзған. Өйткені, Қазақстандағы Еңбек кодексіне сай, ешбір мекеме штаттағы қызметкерлеріне еңбек тәртібін бұзғаны үшін айыппұл көздемейді, деп хабарлайды Azattyq Rýhy.

Ал, Семейдегі автопарк жұмыстағы автобус жүргізушілеріне осы Еңбек кодексіне қайшы заңсыз айыппұл салған.

«Аталған тәртіптік жазаны қолдану заңсыз. Қала прокуратурасы араласып, 125 қызметкердің конституциялық құқықтары қорғалды», - деп хабарлайды Абай облысының прокуратурасы.