Баланың үш жерінен пышақ салған: бұрын сотталған ер адам тағы да 6 жыл арқалады

Астанада ер адам араққа тойып алып, кәмелет жасқа толмаған ұл баланы пышақтап тастаған, деп хабарлайды Azattyq Rýhy.

Елорда сотының хабаралауынша, С есімді адам өзіне ескерту жасаған Ә есімді ұл баланы үш рет пышақпен ұрып, денсаулығына жеңіл зиян келтірген.

«Сотталушының өтелмеген соттылығын ескере отырып, ҚК 60-бабының негізінде түпкілікті 6 жыл 2 ай мерзімге бас бостандығынан айыру жазасы тағайындалып, қылмыстың қауіпті қайталануы бар деп танылды. Моральдық зиянның орнын толтыру ретінде 1 млн. теңге өндірілді», - делінген хабарламада.

Үкім заңды күшіне енген жоқ.