Дариға Бадықованың ашуына тиген «Моана 2» әлем бойынша 600 млн доллар пайда тапты

Қазақ актрисасы Дариға Бадықова «бармаңдар» деп үгіттеген «Моана 2» мультфильмі соңғы екінші аптада касса жинаудан рекорд жасап, 52 млн доллар табыс әкелді, деп хабарлайды Azattyq Rýhy AP- ға сілтеме жасап.

Walt Disney Co студиясының анимациялық фильмі әлем бойынша 600 млн доллар жинаған.

Осылайша, «Моана 2» жылдың ең үздік табысты фильмдер бестігіне енді.

Еске салсақ, актриса Дариға Бадықова қазақша дубляждалған мультфильмге емес, өзі түскен фильмге баруды насихаттаймын деп, басы дауға қалған еді.

Айта кетсек, 28 қарашада әлемге танымал «Моана 2» мультфильмінің қазақ тіліндегі нұсқасының тұсаукесері өтті. Disney студиясы түсірген мультфильм Халықаралық «Қазақ тілі» қоғамының ұйымдастыруымен дубляждалды.