Шымкентте 18 жастағы жігіт қолына қару ұстаған қылмыскерді тоқтатты (ВИДЕО)

Шымкент қаласы, Рысқұлов көшесінде орналасқан ломбардтардын бірінде бетіне медициналық маска киіп алған белгісіз тұлға қолына тапаншаға ұқсас затпен ломбард қызметкерлерін қорқытып 100 мың теңге қаражат талап еткен, деп хабарлайды Azattyq Rýhy қалалық ПД сілтеме жасап.

Ломбард ішінде тұрған 18 жастағы жігіт қылмыстын алдын алу мақсатында құқықбұзушыны тәртіп сақшылар келгенше ұстап алған.

«Тұран аудандық полиция қызметкерлері дер кезінде келіп құқықбұзушыны тұтқындаған. Аудандық полиция басқармасының бастығы Тілеуов Нұржан өз кезегінде жас жігіттің танытқан ерлігі үшін арнайы алғыс хатпен марапаттады», - делінген хабарламада.