$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Адамды ауру қылды - Ақтау маңында өртенген қоқыстың үрей алар кадрлары тарады (ВИДЕО)

Блогер Азамат Сәрсенбаев қоқыс полигонының видеосын жүктеген 

Адамды ауру қылды - Ақтау маңында өртенген қоқыстың үрей алар кадрлары тарады (ВИДЕО)
Фото: скриншот

Блогер Азамат Сәрсенбаев Ақтау қаласынан 15 шақырым жердегі қоқыс полигонының қорқынышты видеосын жариялады, деп хабарлайды Azattyq Rýhy.

Қою түтін тұмшалаған ірі қоқыс полигоны, өрт шыққан аймақтан ұша жөнелген құстар бейне бір постапокалипсис дәуірін сипаттағандай әсер береді.

Желі қолданушылары видео туралы әртүрлі пікір қалдырған.

«Фантастикалық фильм секілді, қазір қаланы түтін басты, бәсе, аллергиям күшейіп кетті десем, осы көліктерден шығатын газға салық төленеді ғой. Ал бұндай өртті неге тексермейді? Ашық рұқсат алып отыр ма? Денсаулық құрып жатыр, осы иіс адамды ауру қылды, күнде бас ауруы, аллергия, көшіп кеттік» деп жазып жатыр оқырмандар.

Еске салсақ, Ақтаудағы қоқыс полигоны ауық-ауық өртеніп жатыр. Шенеуніктердің айтуынша, аймақтағы жел күшейіп, көмілген қалдықтардың беті ашылып, әртүрлі газды қосылыстар реакцияға түсуде. Нәтижесінде биогаз – жанғыш газ бөлініп, қайтадан жанып жатыр.

Тұрғындар ауадағы күйіктің өткір иісіне жаппай шағымданған. ТЖД мәліметінше, Мұнайлы ауданындағы қоқыс полигонында 800 шаршы метр аумақта қоқыс өртеніп жатыр.

Айта кетейік, биогаздың құрамында 55-65% метан және 35-45% көмірқышқыл газы бар.

Серіктес жаңалықтары