4121 науқас: Қазақстанда тағы 72 адамнан коронавирус анықталды

Қазақстанда коронавирус инфекциясын жұқтырған тағы 72 адам тіркелді, оның ішінде: Нұр-Сұлтан қаласында – 17, Алматы қаласында – 17, Шымкент қаласында – 2, Атырау облысында – 9, Батыс Қазақстан облысында – 4, Қызылорда облысында – 2, Маңғыстау облысында – 10, Түркістан облысында 11 адам бар. Бұл туралы Мемлекеттік комиссияның шұғыл штабы хабарлады.

Қазіргі уақытта еліміз бойынша COVID-19 вирусын жұқтырғандар саны 4121 адамға жетті:

Нұр-Сұлтан қаласы – 723

Алматы қаласы – 1335

Шымкент қаласы – 215

Ақмола облысы – 101

Ақтөбе облысы – 160

Алматы облысы – 156

Атырау облысы – 202

Шығыс Қазақстан облысы – 30

Жамбыл облысы – 158

Батыс Қазақстан облысы – 198

Қарағанды облысы – 159

Қостанай облысы – 50

Қызылорда облысы – 216

Маңғыстау облысы – 84

Павлодар облысы – 150

Солтүстік Қазақстан облысы – 30

Түркістан облысы – 154 адам.

ҚР Денсаулық сақтау министрі Елжан Біртанов коронавирус кеше анықталған коронавирус жағдайларының көбі Алматы қаласы мен Батыс Қазақстан облысында екенін айтты. Ал өсім бойынша Маңғыстау алда тұр.

«4049 коронавируспен ауырған адам тіркелінді. Өткен тәулік бойынша анықталғандар саны – 129. Өсім деңгейі 3,3%-ды құрады. Жаңа науқастардың 84-інен COVID-19 профилактикалық скринингтің негізінде табылған. 36 науқас медициналық көмекке жүгінген. 9 науқас шетелден келген. Ең жоғары деңгей Алматы қаласында тіркеліп, 33 жағдай болды. Батыс Қазақстан облысында 20 науқас қосылды. Ең үлкен өсім – Маңғыстау облысында, 13,8%», - деді Е.Біртанов Үкімет отырысында.

Айта кетсек, елімізде қауіпті індеттен жазылып шыққандар саны 1173 адамға жетті. Өкінішке қарай, 29 адам көз жұмды.