Алматыда газ баллоны қоймасынан өрт шықты

Алматыда газ баллоны қоймасынан өрт шықты, деп хабарлайды Azattyq Rýhy тілшісі Алматы қалалық Төтенше жағдай департаментінің баспасөз қызметіне сілтеме жасап.

«1 мамыр күні сағат 14:32-де Алматы қалалық Төтенше жағдайлар департаментінің «101» пультіне Жетісу ауданы, Ратушный көшесі, 78 «Б» мекенжайында қойма өртеніп жатқаны туралы хабар түсті. Оқиға орнына сағат 14:44-те барған өрт сөндірушілер «ЛТ» ЖШС аумағындағы газ қоймасы мен газ тарату станциясы өртеніп жатқанын анықтады. Қоймада 50 және 25 литрлі газ баллондары сақталған», - деп жазылған хабарламада.

150 шаршы метрді шарпыған өрт толығымен сөндірілді.