Алматыда ауладағы көлікті тепкілеген ер адам ұсталды

Алматыда бөтен адамның көлігін тепкілеп, мүлікке зиян келтірген ер адам ұсталды, деп хабарлайды Azattyq Rýhy.

Камераға түсіп қалған видеоға қарағанда, ер адам келіп тұрақта тұрған жеңіл көлікті тепкілейді. Кейін оның жанына бірнеше кісі жиналып, араларында жанжал туған. Біреуінің қолына пышақ ұстап алғаны көрінеді. 

«Бөтеннің мүлкіне қасақана зиян келтіру дерегі бойынша қылмыстық іс қозғалды. Күдіктілер анықталды және қамауға алынды. Олар міндетті түрде жауапкершілікке тартылады. Оқиғаның басқа да мән-жайлары анықталып жатыр», - деп хабарлады қалалық полициядан.